စိတ်ဝေဒနာရှင်အမျိုးသမီးအား အဓမ္မပြုကျင့်သတ်ဖြတ်ခဲ့သူတစ်ဦးကို စစ်ကိုင်းခရိုင်တရားရုံးမှ ဩဂုတ် ၁၈တွင် သေဒဏ်ချမှတ်ခဲ့ကြောင်းသိရသည်။စစ်ကိုင်းမြို့ ငါးထပ်ကြီးဘုရားဝန်း၊ ဆောက်လက်စ ဓမ္မာရုံတွင် စိတ်ဝေဒနာရှင် အမျိုးသမီးတစ်ဦးအားမုဒိန်းကျင့်သတ်သွားခဲ့သူ နှစ်ဦးအနက် ဇင်မျိုး(ခ)ငဂျက်အား စစ်ကိုင်းခရိုင် ဒုတရားသူကြီး မှရာဇသတ်ကြီးဥပဒေပုဒ်မ ၃၀၂(၁)(ဂ)အရသေဒဏ်ကျခံစေရန် အမိန့်ချမှတ်ခဲ့ကြောင်းသိရပြီး အောင်ကျော်ထက်(ခ)စိုးပေ အသက် ၁၇အား ကလေးသူငယ်တရားရုံးတွင် ဆက်လက်စစ်ဆေးဆောင်ရွက်သွားမည်ဖြစ်ကြောင်းသိရသည်။၂၀၂၀ မေ ၃ ည ၁၁နာရီ၃၀မိနစ် ခန့််က စစ်ကိုင်းမြို့ ကျောင်းတော်ကြီးကျေးရွာနေ ဒေါ်တင်ဌေး( ၆၅ နှစ်)( စိတ်မကျန်းမာသူ)သည်ငါးထပ်ကြီးဘုရားဝင်းအတွင်းမြောက်ဘက်မုခ်ဦးအနီး ဆောက်လက်စသုံးထပ်ဆောင်ဓမ္မာရုံအတွင်း၌ အိပ်နေစဉ်အရက်သေစာသောက်စားမူးယစ်နေသောဇင်မျိုး(ခ )ငဂျက် ၂၄ နှစ် (ဘ)ဦးမျိုးဝင်း၊အောင်ကျော်ထက် (ခ) စိုးပေ (၁၇)နှစ် (ဘ) ဦးသောကြာ တို့မှ အရက်ပုလင်းခွံဖြင့်ခေါင်းရိုက်ချုပ်နှောင်ခြင်း၊ အ၀တ်ဖြင့်လည်ပင်းရစ်ပတ်၍ အဓမ္မပြုကျင့်ခဲ့သောကြောင့် ဒေါ်တင်ဌေး ၆၅ နှစ်( စိတ်မကျန်းမာသူ)သည်အသက်ရှုလမ်းကြောင်းပိတ်၍ သေဆုံးခဲ့ကြောင်းသိရသည်။
