စစ်ကိုင်းတိုင်း မုံရွာမြို့ အနောက်မြောက်တိုင်းစစ်ဌာ နချုပ်ကို ဒေသခံတော် လှန်ရေးပူးပေါင်းတပ်က ရှော့တိုက်ရော့ကတ် အလုံး ၃၀နဲ့ ပစ်ခတ်တိုက်ခိုက် ခဲ့ရာတိုင်းစစ်ဦးစီးချုပ်ကိုယ်ရေးအရာရှိ(PSO)ဗိုလ်ကြီးကောင်းခန့်ဇော် အပါအ၀င် စစ်ကောင်စီတပ်ဖွဲ့၀င် ၁၀ ဦးထက်မနည်းသေဆုံးခဲ့တယ်လို့ သိရပါတယ်။
အနောက်မြောက်တိုင်းစစ်ဌာနချုပ် တိုင်းမှူးအသစ်ကိုကြိုဆိုတဲ့အနေနဲ့ “ရမခ စစ်ရှုံးပြေး နမခ ရောက် အရှုံးသမား တိုင်းမှူးဝက်ဘီလူးမျိုးမင်းထွေးအား ဧည့်ခံကြိုဆို” စစ်ဆင်ရေးအဖြစ် ဇန်နဝါရီလ ၁၄ ရက်နေ့က ပစ်ခတ်တိုက်ခိုက် ခဲ့တာဖြစ်တယ်လို့ Chindwin Rocket Brothers -CRB သတင်းထုတ်ပြန်ပါတယ်။
ပစ်ခတ်တိုက်ခိုက်မှုကြောင့် တိုင်းစစ်ဦးစီးချုပ်ကိုယ်ရေးအရာရှိ (PSO) ဗိုလ်ကြီးကောင်းခန့်ဇော်နဲ့ အဆ ရ-၁၂ (အဆင့်မြင့်ဆက်သွယ်ရေး တပ်ရင်း)ကဗိုလ် ကြီး ၁ ဦး အပါအဝင် စစ်ကောင်စီတပ်ဖွဲ့၀င် ၁၁ ဦး သေဆုံးခဲ့ပြီး ၇ ဦးထက်မနည်း ထိခိုက်ဒဏ်ရာရခဲ့တယ်လို့ ထုတ်ပြန်ချက်အရ သိရပါတယ်။
ဒါ့အပြင် န မ ခ တိုင်းစစ်ဌာနချုပ်အတွင်းကအဆောက်အဦးတချို့ ထိခိုက်ပျက်စီး တာတွေလည်း ရှိတယ်လို့ သိရပါတယ်။
ထိခိုက်ဒဏ်ရာရတဲ့ စစ်ကောင်စီတပ်ဖွဲ့၀င်တွေကို ကုတင် ၃၀၀တပ်ဆေးရုံနဲ့ မုံရွာဆေးရုံကြီးကို ပို့ဆောင်ခဲ့ပြီးသေဆုံးသူတွေကိုတော့ ဇန်နဝါရီလ ၁၆ ရက်နေ့က စစ်သင်္ချိုင်းနဲ့ အလုံမြို့မှာ သင်္ဂြိုလ်ခဲ့ကြတယ်လို့ ထုတ်ပြန်ချက်မှာ ဖော်ပြထား ပါတယ်။
န၊မ၊ခ တိုင်းစစ်ဌာနချုပ်ပစ်ခတ်တိုက်ခိုက်မှုကိုချင်း တွင်းရော့ကတ်ညီနောင် (Chindwin Rocket Brothers- C.R.B)အဖွဲ့က ဦးဆောင်ခဲ့ပြီး မဟာမိတ် အဖွဲ့တွေဖြစ်တဲ့ Anonymous Heroes ၊ချိုမိုင်မိုင်(ကနီ)၊ Advance-47၊Chindwin Brothers၊ဗိုလ်မုတ်ဆိတ် တို့နဲ့အတူ ပူးပေါင်းဆောင်ရွက်ခဲ့တာဖြစ်တယ်လို့ သိရပါတယ်။
